A Cuscienza du Lupu

Nu lupu ca gia fattu quarantinu
De l’anni mo lu viju gia spruppatu,
Cecatu, senza dienti e cchiu malatu,
‘Nta nu pagliaru li jurni a de passa’.

Tutti li cumpagni su fujiuti
Mancu tene ra forza de chiamare,
Li jurni si li passa a dijunare
Cchi malanova de morte c’adde fa’.

Varannu si va mancia na picc’ erva
Li griddri chianu chianu si li pisca,
A na jumara a lingua si difrisca
De chissa forza, mo, s’addajuta’.

Su cchiu’ re vote ca nun tene forza
Le gamme nun l’ajutanu a s’azare,
Disgazzia…nuddru passa a l’ajutare
I figli, na mugliere, addruve sta’?…

Jettatu ‘nta nu piezzu de pagliaru
Furtuna ca de l’acqua si cummeglia,
De tante tane chissa è a cchiu’ meglia
A vote lu distinu chissu fa’.

A lingua ca de latu piennulia
De vave tuttu quantu s’è ‘mbrascatu,
Mi pare muertu, e u viju stiennicchiatu
E mancu tene a forza de jata’.

Forse sta pensannu a ru passatu
Picciriddru ccu ri frati fa re lutte,
C’aspettanu a mamma ppe ru latte
Zumpariannu a vau adascunta’.

Cchiu’ gruessu, quannu sa pue u mistieri
De crapietti ne fa na chianchiata,
A ferra de li dienti è ammulata
Chi armatura brutta è chista cca’.

Na vota è satatu ‘nta na mandra
E nu furise u grida, e l’ha sparatu,
Furtuna ca na petra l’ha sarvatu
Sinno, na fine brutta avia de fa’.

Si ricorda a prima nnamurata
Pecchi’ su case belle e nun pue scurdare,
Li venianu ‘mmente, e su cose chiare
Ca mai du core le po cancella’.

A su mumentu affaccia de na gaglia
Na licerta tutta timurusa,
E vide sa disgazia dulurusa
Sa razza d’animalia chi sta’ ddra’.

U guarda ccu na faccia e cumpassione
U guarda ‘ntuernu chiculiannu a capuzza,
«Forse chistu è muertu e mo’ chi puzza
Ma forse è vivu, u viju jatunia’».

Ma, a chissu nun li piace sa sunata
Aza ra capu e guarda sa fetente,
Malanova, certe cose chistu sente
E s’aza, e si l’acchiappa, sa d’allicca’.

Ma chissa, de spertizza n’ha vinnutu
E propiu ‘nta sa vucca vo satare?…
Mancu cc’è duna tiempu de jatare
Na giravota…e sperjie chista cca’.

Mo, chissu ca è restatu ‘mpirunatu
Si gira ‘ntuernu e nun vide nente,
Forse su scherzi chi li fa ra mente
Ma nun ce cride, forse è verità.

E pensa…’ncuna cosa aje canciare…
Nun puezzu fare cchiju’ cumu na vota,
Forse ccu re bone a fazzu ciota
U modu de trattare aje cancia’.

Ccussi’, mo ‘ncigna natra vita
Trattannu ccu ru mele quannu, ncigna,
Ma pue a cosa passa a ra maligna
Ca a natura nuddru po cancia’.

Nun passa chiru juernu, e mo’, ti vide
Affacciatu a sa porta de pagliaru,
Nu piecurieddru guarda su massaru
E ccu sincera vuce u vo’ chiama’.

Ma chissu ca de tuttu e priparatu
Nun perde tiempu, e duce a ru discursu,
Si sa’ ca ‘nta’ su core nun c’è rimorsu
E ‘nta se vranche, chissu, a de cala’.

Buenu venutu, li dice a su ‘nnucente
Forse de se parte si sulagnu?…
Si vue, ddre mamma tua io t’accumpagnu
Ca e vie e sacciu ppe’ ta’ fa’ truva’.

’Nta razza tua io tiegnu tanti amici
Ccu’ nannuta cc’è fattu u cumpariggiu,
Quantu vote u sarvai de nu litiggiu
Se cose nun si puetunu scurda’.

Na vota n’amu fattu na scialata
Cu ra a razza tua e chira mia,
Sutta na cerza a largu de na via…
Su cose ca nun si puetunu scurda’.

Ma chissu ‘mpapurchiatu e su discursu
Cc’è trase dintra e li va vicinu,
L’alliccadi e gamme e ru cuginu
E malanova…ddra’ si sente ziddrica’.

Buenu venutu, nepute du cumpari
Certe cose nun si puetu riscurdare,
Curcati ‘mprazza a mmie, ppe’ ripusare
Dumane t’accumpagnu ddre mamma’.

E chissu, fissa, fissa se curcatu
‘Mprazza de sa mala tantazione,
Mo a chissu l’è benuta sa purzione
Ca de tantu tiempu a vucca a de pruva’.

E quannu chissu e bellu assicuratu
Li sta ppe’ minte a ferra ‘nta lu cueddru,
A su mumentu li capita nu sciueddru
E ‘nganna su’nnucente l’ha de resta’.

A sa porta de pagliaru si prisenta
U patre de su figliu spienturatu,
Ca chissu de le corna tene armatu
A chissu fauzu lupu a de ‘ncurna’.

Lu sata ‘ncueddru tuttu ‘mbestielitu
Li fa ra capu cumu na grisara,
Ormai a vita sua è ‘nta na vara
E muertu stiennicchiatu u lassa ddra’.

«De bellu tiempu tu l’avie e pagare..».
U guada ccu dispezzu e ccu furure…
«U sai, quantu na manciatu…traditure
Mancu de chissu, tu, n’avie pieta’?»…

Chi nasce lupu nun po’ murire agnieddru…
A vita sua è fatta ppe’ fa male,
Mala ciscienza brutta, cchiu’ li vale
Ca chissa, è fatta a certi, ppe’ campa’.

11 agosto 1996