Danise

Cc’è cchiu’ supra a su paise
Na funtaneddra a largu de sa via,
Quannu nun c’era acqua a ra casa mia
U varrile o a lanceddra avie e purta’.

E cchi biditi avanti sa funtana
Na filarena de gente faciadi u turnu,
Quantu parole, e propiu nu taluernu
Se lietiche avie de asulia’.

Pecchi’ sa funtaneddra a vote ammanca
Chisa’ de ddrue chi va sa grazia d’acqua,
Forse u tupinaru sicce sciacqu
E a n’autra parte si la va a vuta’.

Su fatti de li tiempi malamente
Chine cummanna u guarda sa mancanza,
De chissu e de autru è na lagnanza
Ca u ‘ncommidu arrieri a casa avie jetta’.

Mo chi lassu se storie a sa funtana
Ppe’ nun sente cchiu’ se catanie,
Ca mi parianu tante litanie
Ma u rusariu ‘mmanu nun ce sta’.

Chissa è a funtana de danise
A ra via di casalini,
Mo chi curre nuddru si l’ha chini
Varrili o lanceddre, nuddru n’ha.

Quantu acqua chi si va perdiennu
Nuddru adacqua e fugliame,
Nuddru cca’ more de fame
E a sa funtana nuddru vene ppe si lietica’.

4 ottobre 2014