U Furnu e ra Fresa

Sentiti mo, na picca, cchi viditi
De sa niura vucca de su furnu,
Pane addurusu e tante autre cose
Ca na massara sperta ddra chi ‘mpurna.

Escenu pitte e de pane rutunnu
Cc’è nu filune e puru panicieddri
Ca ccu nu punu d’alive e na cipuddra
Su cuntienti puru I quatrarieddri.

Sa sorta de fucune è na bunnanzia
Si videnu sfurnate e meglie cose,
Ficu alive e de castagne
Ca sunu le ricchizze du paise.

Cchi gioia Avanti de su furnu
Quannu mamma sfurnava a prima pitta,
A spacca: l’unta de uegliu e scarafuegli
Si chiama fresa sa sorta de piattu.

Si fau de tante forme se fresine
Longhe, rutunne e picciriddre,
Le undi ccu ri miegli cuntimenti
Hoi cchi sapure….se belle fresineddre.

Eranu belli tiempi de na vota
Tante cose si facianu ccu mastria,
Mo, cc’è su tante fissarie
E de su furnu nun desce cchiu’ sa massaria.

E mo chi v’aju dittu tante cose
Volissi pruva’ na picca de se frese,
Cumu chire chi mamma le sfurnava!
E mo…goditi questa festa …SANFILESE!

10 agosto 2014